අකුරැස්ස ගොඩපිටිය ප්‍රදේශයෙන් සොරකම් කරන ලද ගැබ්බර එළදෙන ඉන් මසකට පසුව වසු පැටියා සමඟ හක්මන ප්‍රදේශයේදී සැකකරුවන් දෙදෙනෙකු සමඟ පොලිස් අත්අඩංගුවට පත්වී තිබේ.
මේ ගැබ්බර එළදෙන සමඟ ගවයකුද ඉකුත් ජනවාරි 05වැනි දින රාත්‍රී කාලයේදී කිසිවෙකු විසින් සොරකම් කරගෙන ගොස් ඇති බව ගවයන්ගේ අයිතිකරු විසින් අකුරැස්ස පොලීසියේ පැමිණිල්ලක් කර තිබුණි.
ඉකුත් පෙරවාරි 10 වෙනි දින තම එළදෙන සහ වසුපැටියා හක්මන ප්‍රදේශයේ සිටින බව තමන්ට දැනගැනීමට ලැබූ බව අයිතිකරු අකුරැස්ස පොලීසිය වෙත දැනුම් දෙන ලදුව අකුරැස්ස පොලීසිය හා හක්මන පොලීසිය එකතුව මෙම එළදෙන සහ වසු පැටියා සමඟ සොරකමට සම්බන්ධ බවට සැකපිට පුද්ගලයන් දෙදෙනකු අත්අඩංගුවට ගත්හ.
