කෝපි කඩේ ටෙලිනාට්‍යයේ කුරුං ගුරුං චරිතයෙන් රටක් හදුනාගත් කේ ඒ පියකරු කලාකරුවාට නව නිවසක් ලබාදීම අද සිදුකෙරුණා. ඒ දෙරණ නාලිකාවේ මැදිහත්වීමෙන්.
කෝපි කඩේ ඇතුළු තවත් කලා නිර්මාණ වෙනුවෙන් දශක ගණනාවක් පුරා සිය රංගන දායකත්වය ලබාදුන්නා. ඔහු පිළිබද පසුගිය කාලයේ මාධ්‍ය හෙළිකිරීමත් සමග කේ ඒ පියකරු කලාකරුවා වෙනුවෙන් නිවසක් ලබාදීමට දෙරණ මාධ්‍ය ජාලය ඉදිරිපත්වුණා.
ඒ අනුව හොරණ උඩුව ප්‍රදේශයේ ඉදිකළ නව නිවස ඔහු වෙනුවෙන් ලබාදීම අද සිදුකෙරුණේ දෙරණ මාධ්‍ය ජාලයේ සභාපති දිලිත් ජයවීර මහතාගේ ප්‍රධානත්වයෙන්.
එම අවස්ථාවට ස්වාධීන රූපවාහිනී මාධ්‍ය ජාලයේ සභාපති නිරෝෂන් ප්‍රේමරත්න මහතා ද එක්ව සිටියා.
