අපොස සාමාන්‍ය පෙළ 2021 (2022) විභාගය සඳහා අයදුම්පත් යොමු කිරීමේ අවසන් දිනය මේ මස 17 දා දක්වා නැවත දීර්ඝ කළ බව විභාග දෙපාර්තමේන්තුව පවසයි.
ඒ අනුව ශ්‍රී ලංකා විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.onlineexams.gov.lk/eic හෝ දෙපාර්තමේන්තු නිල ජංගම දුරකතන යෙදවුම වන Exams Sri Lanka වෙත පිවිස මාර්ගගත ක්‍රමය යටතේ අයදුම්පත් යොමු කළ යුතුය.
රජයේ පාසල් සිසුන් අදාළ පාසලේ විදුහල්පති වෙත දැනටමත් දී ඇති පරිශීලක නාම (User name) හා මුරපද (Password) භාවිතයෙන් අයදුම්පත් යොමු කළ යුතුය. පෞද්ගලික අයදුම්කරුවන් පෞද්ගලිකව අදාළ උපදෙස් අනුව මාර්ගගතව අයදුම්පත්‍රය සම්පූර්ණ කළ යුතුය. ඉන් අනතුරුව එහි මුද්‍රිත පිටපතක් ගෙන අවශ්‍ය අවස්ථාවක ඉදිරිපත් කිරීමට තමන් භාරයේ සුරක්ෂිතව තබා ගත යුතුය.
