ඖෂධ ආනයනය කිරීම සඳහා ණයවර ලිපි විවෘත කිරීමට ඩොලර් මුදා හළ නොහැකි නම් පාලන මිල ඉවත් කිරීම හෝ ඖෂධ මිල සියයට පහළොවකින් ඉහළ දමන ලෙස ඖෂධ ආනයනකරුවන්ගේ කර්මාන්ත මණ්ඩලය සෞඛ්‍ය අමාත්‍යාංශයෙන් ඉල්ලා ඇත.
ඖෂධ ආනයනය කිරීම සඳහා ණයවර ලිපි නිකුත් කිරීමට ඩොලර් නොමැති බව වාණිජ බැංකු ප්‍රකාශ කිරීම හේතුවෙන් ආනයනකරුවන් දැඩි අපහසුතාවට පත්ව ඇත. එමනිසා කර්මාන්ත මණ්ඩලය අමාත්‍යාංශයෙන් අදාළ ඉල්ලීම සිදුකර තිබේ.
පවතින තත්ත්වය පිළිබඳ සෞඛ්‍ය අමාත්‍යාංශයද මුදල් අමාත්‍යාංශය හා ඖෂධ සැපයීම් නිෂ්පාදන පිළිබඳ රාජ්‍ය අමාත්‍යාංශය සමග සාකච්ඡා කළද මෙතෙක් විසඳුමක් නොලද බව ආනයනකරුවෝ පවසති.
