කොවිඩ් 19 වෛරසයේ ඔමික්‍රෝන් ප්‍රභේදය සුළු කොට තැකිය යුතු නොවන බවත් එම ප්‍රභේදය ලොව පුරා මිනිසුන් මරණයට පත් කරමින් සිටින අතර එය මෘදු ප්‍රභේදයක් ලෙස බැහැර නොකළ යුතු බව ලෝක සෞඛ්‍ය සංවිධානය අවධාරණය කර සිටිනවා.
නව ප්‍රභේදය ආසාදනය වන වාර්තාගත පුද්ගලයින් සංඛ්‍යාව අනුව සහ එය ඉතා වේගයෙන් ලොව රටවල් රැසක ව්‍යාප්තවෙමින් පවතින බැවින් මිට පෙර දරුණු ප්‍රභේදයක් වූ ඩෙල්ටා ප්‍රභේදය සම්පුර්ණයෙන්ම යටපත් කරමින් ඉදිරියට එමින් තිබෙන බවයි ලෝක සෞඛ්‍ය සංවිධානයේ ප්‍රධානී Tedros Adhanom Ghebreyesus සඳහන් කර සිටින්නේ.
ඔමික්‍රෝන් ප්‍රභේදයේ වේගවත් ව්‍යාප්තියත් සමග බොහෝ රටවල රෝහල්වල ධාරිතාවය ඉක්මවා යමින් තිබෙන බවයි ලෝක සෞඛ්‍ය සංවිධානයේ ප්‍රධානියා සඳහන් කර සිටියේ.
