ලංකා ප්‍රිමියර් ලීග්ක්‍රිකට් තරගාවලියේ අවසන් මහා තරගයේ ස්ථානයක් වෙන් කර ගැනීමේ පළමු සටන අද (19) පසුගිය වසරේ ශූරයන් වූ ජැෆ්නා කිංග්ස් සහ අනුශූර ගෝල් ග්ලැඩියේටර්ස් අතර හම්බන්තොට මහින්ද රාජපක්ෂ ක්‍රීඩාංගණයේදී පැවැත්වේ.
මේ තරගය ජය ගන්නා කණ්ඩායම කෙළින්ම අවසන් මහා තරගයට සුදුසුකම් ලබයි.
මේ අතර ලංකා ප්‍රිමියර් ලීග් ක්‍රිකට් තරගාවලියේ තවත් තරගයක් අද දිනයේ පැවැත්වීමට නියමිතයි.
ඒ, කලම්බෝ ස්ටාර්ස් කණ්ඩායම සහ දඹුල්ල ජයන්ට්ස් කණ්ඩායම සමගයි.
එම තරගය අද පස්වරු 4.00ට හම්බන්තොට, මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී පැවැත්වීමට නියමිතයි.
එම තරගයෙන් ජය ගන්නා කණ්ඩායම අවසන් පූර්ව වටයේ දෙවන තරගයට සුදුසුකම් ලබනු ඇත.
අද සිට හම්බන්තොට මහින්ද රාජපක්ෂ ක්‍රීඩාංගණයේදී පැවැත්වෙන අවසන් වටයේ තරග නැරඹීම සඳහා අවශ්‍ය ප්‍රවේශපත් නිකුත් කිරීම ආරම්භ කිරීමට ශ්‍රී ලංකා ක්‍රිකට් ආයතනය කටයුතු යොදා තිබේ.
මීට අමතරව අන්තර්ජාලය ඔස්සේ ද ප්‍රවේශ පත්‍ර වෙන් කරවා ගැනීමට අවස්ථාව සලසා තිබේ.
