1995 වසරේදී වගේ වෙන්න ඕන ජාතික එකේ විකාශ උනේ.. හරියටම දින වකවානු මතක නැහැ.. ඒත් ලොකුම ලොකු තල්මසාත් එක්ක වතුරේ පීනපු ඒ ලස්සන අක්කවනම් ඕනම කෙනෙකුට හොදට මතක ඇති..
ඇය ඕස්ට්රේලියානු නිළියක් වන Marzena Godeki ඇය ඕෂන් ගර්ල් හී “නේරි” ලෙස රගපාන විට ඇයට වයස අවුරුදු 16ක් පමන බවයි පැවසෙන්නේ ඇය මුලින්ම නේරී චරිතය සදහා යොමු කර ඇත්තේ ඇගේ නර්තන ගුරුවරිය විසින් වූ අතර, මීට පෙර Marzena එක් ටෙලිනාට්‍යක කෙටි රංගනයක යෙදී තිබුනත් ඇය ප්‍රධාන නිළියක් ලෙස රගපාලා තිබිලා නෑ.
ඔබට මතකනම් ජාතික රූපවාහිනියේ ගිය එක්ටැම්ගෙයක ජීවත්වූ පවුලක් වටා ගෙතුන Round the Twist නම් නාට්ටියේ ඇය කුඩා කොටසකට සිටිනවා..
කෙසේ නමුත් සම වයස් ගැහැණු ළමුන් 500ක් වන් පිරිසකගෙන් තමා Marzena නේරිගේ චරිතයට තේරෙන්නේ. මුලින්ම මේ චරිතය වෙනුවෙන් තෝරාගෙන ඇත්තේ spellbinder land of the dragon ටෙලිකතාවේ කැතීට රගපෑ Lauren Hewett ව නමුත් Marzena ගේ පෙණුම ඇගේ පෙනුමට වඩා ප්‍රභල ලෙස නිෂ්පාදක සහ අධ්‍යක්ෂක වරුන්ට හැගී යනවා. පසුව Marzena නේරිගේ නැගනිය “මීරා” ගේ චරිතයෙන් කතාංගයට හදුන්වාදෙනවා.
Marzena හට මුලදී පිහිනීමට හැකියාව තිබී නැහැ නමුත් ඇය උනන්දුවෙන් පිහිනීම ඉගෙන ගත් අතර මෙහි රංගනයේ යෙදෙන තල්මසුන් දෙදෙනා සමගද ඇය දැඩි සේ කුලුපගවී තිබෙනවා. කෙසේ හෝ ඇය මේ ටෙලිකතාවෙන් පසු ලෝකයේම ජනප්‍රිය වූවත් ඉන් පසුව ඇය රංගනයේ යෙදී නැහැ. ඇය අධ්‍යාපනයට සිත යොමු කරන අතර ඇය සතුන්ට ඇති ආදරය නිසාම පශු වෛද්‍යවරියක් වීමට ඉගෙන ගෙන තිබෙනවා..
2008 වසරේ Damian D’Odorico නම් ඇගේ දීර්ගකාලීන ව්‍යාපාරික ප්‍රේමවන්තයා සමග විවාහවන ඇය දැන් දරුවන් තිදෙනෙකුගේ ආදරණීය මවක් ලෙස සැමියා සහ දරුවන් සමග අප්‍රසිද්ධ ජීවිතයක් සතුටින් ගතකරන බව සදහන්..
මාධ්‍යවේදියෙකු 2011 වසරේදී ඇගෙන් විමසන්නේ ඇය මෙතරම් ජනප්‍රිය වූවත් “Ocean Girl” රංගනයෙන් පසු රංගනයෙන් ඈත් වූ කාරනය කුමක්ද කියායි..
“මම හැමදාම Ocean Girl හී “නේරි” ලෙස මිනිසුන්ගේ මතකයේ හිදීවි.. එයට හානිවනවාට මම කැමති වූවේ නෑ..”
එයයි ඇගේ පිළිතුර.
