පන්දුවාර විස්සයි විස්ස ලෝක කුසලාන ක්‍රිකට් තරගාවලියේ සුපිරි 12 වටයේ ශ්‍රී ලංකාව සහ දකුණු අප්‍රිකාව අතර (30) පැවැති තරගයේ ජයග්‍රහණය වාර්තා කිරීමට දකුණු අප්‍රිකාව සමත් විය.
පළමුවෙන් පන්දුවට පහරදුන් ශ්‍රී ලංකා කණ්ඩායම සියලුදෙනා දැවී ලකුණු 142ක් රැස් කළේය.
ඉනිමේ වැඩිම ලකුණු ලාභියා වූ පැතුම් නිස්සංක අර්ධ ශතකයක් වාර්තා කරමින් ලකුණු 72 ක් රැස් කළේය.
පිළිතුරු ඉනිම ක්‍රීඩා කළ දකුණු අප්‍රිකානුවන් පන්දුවාර 19යි පන්දු 5ක් තුළ කඩුලු 6ක් දැවී ලකුණු 146ක් ලබා ජයග්‍රහණය වාර්තා කළේය.
විශිෂ්ට පන්දු යැවීමක නිරත වූ වනිඳු හසරංග දකුණු අප්‍රිකාවට එරෙහිව කඩුලු ත්‍රිත්වයක් දවා ගැනීමට සමත් විය.
මෙම අවාසනාවන්ත තරග පරාජයත් සමග ලෝක කුසලාන බලාපොරොත්තු සුන් වන ලකුණු පෙන්නුවද ඉතිරි තරග දෙක ශ්‍රී ලංකා කණ්ඩායම ජය ගෙන දකුණු අප්‍රිකානූවන් සහ ඕස්ට්‍රේලියානුවන්ගේ ඉතිරි තරග පරාජය වුවහොත් අවසන් මහ තරගයට ශ්‍රී ලංකා කණ්ඩායමට අවසන් වටයට පිවිසීමේ හැකියාවක් පවතී.
