සෞඛ්‍ය අමාත්‍යාංශයේ දී පැවති මාධ්‍ය හමුවක් අමතමින් සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා පවසා සිටියේ සංචරණ සීමා ලිහිල් කර ඇති පසුබිමක සෞඛ්‍ය මාර්ගෝපදේශ නොතකා ජනතාව කටයුතු කරන්නේ නම් අකමැත්තෙන් වුවද නැවතත් සංචරණ සීමා පැනවීමට සිදුවනු ඇති බවයි.
එහිදී වැඩිදුරටත් අදහස් දක්වමින් ජනතාව ඉතා ප‍්‍රවේශමෙන් කටයුතු නොකළහොත් නැවතත් රෝගීන් සංඛ්‍යාව ඉහළ යනු ඇති බවත් එවිට 15 වැනිදා පූර්ණ රට විවෘත කිරීමට යා හැකි වේදැයි කිව නොහැකි බවත් ඒ නිසා සෞඛ්‍ය මාර්ගෝපදේශ තරයේම පිළිපදින්නැයි තමන් ඉතා ඕනෑකමින් ජනතාවගෙන් ඉල්ලා සිටින බවත් ඔහු පැවසුවේය.
