ලොව විශාලතම බහාලුම් නෞකාව වන එවර් ඒස් (EVER ACE) අද(05) කොළඹ වරාය වෙත පැමිණීමට නියමිතය.
බහාලුම් විසිහතර දහසක් ප්‍රවාහනය කළ හැකි ආකාරයට නිමවා ඇති මේ නෞකාවේ දිග මීටර් 400ක් හා පළල මීටර් 62ක් වේ. ඉකුත් ජූලි මාසයේදී බහාලුම් ප්‍රවාහනය සඳහා එක් කළ නෞකාව නෙදර්ලන්තයේ රොටර්ඩෑම් වරායෙන් පිටත්ව කොළඹ වරාය දක්වා පැමිණෙමින් තිබේ.
කොළඹ වරාය ඇතුළු ලෝකයේ ම වරායවල් 24කට පමණක් ඇතුළු විය හැකි මෙම නෞකාව කොළඹ වරායට ඇතුළු වීම ශ්‍රී ලංකා වෙළෙඳ නාවික ඉතිහාසයේ සුවිශේෂී සංධිස්ථානයක් බව ශ්‍රී ලංකා වරාය අධිකාරිය සඳහන් කරයි.
EVER ACE නෞකාව, කොළඹ වරාය වෙත පිවිසෙන මංගල ගමන ද මෙය බව ශ්‍රී ලංකා වරාය අධිකාරිය සඳහන් පවසයි.
