ශ්‍රී ලංකාවට එරෙහිව පැවති පන්දුවාර 20යි 20 තරගාවලිය තරග 3ට 0ක් ලෙස ජය ගැනීමට දකුණු අප්‍රිකාව සමත් විය.

ඒ අද පැවති 03වන තරගය දකුණු අප්‍රිකාවට කඩුලු 10ක පහසු ජයක් හිමිවීමත් සමගිනි.

පළමුව පන්දුවට පහරදුන් ශ්‍රී ලංකා කණ්ඩායම සිය පන්දු ඕවර 20 තුළ කඩුලු 8ක් දැවී රැස් කළේ ලකුණු 120ක් පමණි.

ජයග්‍රහණය ට අවශ්‍ය ලකුණු 121 පන්දු ඕවර 14.4කදී ලබා ගැනීමට සංචාරක දකුණු අප්‍රිකානු කණ්ඩායම ට හැකි වුණි.

මාලිංග ජාත්‍යන්තර ක්‍රිකට් පිටියට සමුදෙයි

ජාත්‍යන්තර ක්‍රිකට් පිටියේ සුවිශේෂී ක්‍රීඩකයෙකු වූ සපරමාදු ලසිත් මාලිංග එසේත් නැතහොත් ලසිත් මාලිංග (14) ජාත්‍යන්තර ක්‍රිකට් දිවියෙන් සම්පූර්ණයෙන් විශ්‍රාම ගන්නා බව නිල වශයෙන් ප්‍රකාශයට පත් කළේය.

මීට පෙර ටෙස්ට් ක්‍රිකට් දිවියෙන් හා එක්දින ක්‍රිකට් දිවියෙන් විශ්‍රාම ගෙන සිටි මාලිංග අද පන්දුවාර 20-20 පිටියෙන් ද විශ්‍රාම ගන්නා බව ට්විටර් පණිවුඩයක් හා යූටියුබ් පණිවිඩයක් යොමු කරමින් ප්‍රකාශ කර තිබේ.