ශ්‍රී ලංකා – දකුණු අප්‍රිකා දෙවැනි විස්සයි විස්ස ජාත්‍යන්තර ක්‍රිකට් තරඟය අද (12) කොළඹ ඛෙත්තාරාම ක්‍රීඩාංගණයේ සවස 7.00ට පැවැත්වීමට නියමිතය.
තරග 03 කින් සමන්විත මෙම 20 යි 20 තරගාවලියේ 1 ට 0 ක් ලෙස දකුණු අප්‍රිකානු කණ්ඩායම පෙරමුණේ පසුවෙයි.
අද තරගය සඳහා භානුක රාජපක්ෂ වෙනුවට කුසල් ජනිත් පෙරේරා ශ්‍රී ලංකා කණ්ඩායමට කැඳවනු ඇති බවයි වාර්තා වන්නේ.
ඒ අනුව පළමු තරඟයේදී හුදකලා සටනක නිරත වූ දිනේෂ් චන්දිමාල් අංක තුන ස්ථානයේ පන්දුවට පහරදීමට ඉඩ ඇති අතර කුසල් පෙරේරා අවිශ්ක ප්‍රනාන්දු සමග ඉනිම ආරම්භ කිරීමට නියමිත බව වාර්තා වෙයි.
