පවිත්‍රා අතුරුදහන්

ඩෙවොන් දිය ඇල්ලෙන් පහලට වැටි අවු 19 තරුණියක් අතුරුදහන් වි ඇති බව දිඹුල පොලිසිය පැවසිය.

මෙසේ අතුරුදහන් වි ඇත්තේ ලිදුල පොලිස් වසමට අයත් සෙන් තොමස් වත්තේ ලිදුල ප්‍රදේශයේ පදිංචි මනි පවිත්‍රා  නැමති තරුණියකි.

අතුරුදහන් වි ඇති තරුණිය ඇයගේ යෙහෙලියන් තිදෙනෙකු සමග දිය ඇල්ල නැරඹිමට පැමිණ  දිය ඇල්ලට ජලය ගලා බසින බොවොන් ඇළට බැස පය සේදිමට උත්සහ කිරිමේදි අතුරුදහන් වු තරුණිය ජල පහරට හසු වි ගසාගෙන ගොස් ඇති බවට ඇයගේ යෙහෙලියන් තිදෙනා විසින් පොලිසියට ප්‍රකාශයක් ලබාදි ඇති බවයි දිඹුල පොලිසිය කියා සිටියේ.

ඩෙවොන් දිය ඇල්ලට ඉහලින් වු ඩෙවොන් ඇළේ ගල් තලාව මේ දිනවල ප්‍රදේශයේ පවතින අධික වර්ෂාවත් සමග ලිස්සන සුළු බවත් එම තරුණියන් සිව්දෙනා ඩෙවොන් ඇළට බැස ඇත්තේ ඩෙවොන් ඇළට පිවිසම වැලැක්විම සදහා ඉදි කර තිබෙන කටු කම්බි වැටක්ද පසු කරමින් බවයි දිඹුල පොලිසිය කියා සිටියේ.

අතුරුදහන් වු තරුණිය අඩි 297 උස ඇති ඩෙවොන් දිය ඇල්ලෙන් පහලට වැටෙන්නට ඇති බවට පොලිසිය සැකකරයි.

දිඹුල පතන පොලිසිය නිලධාරින් සහ ප්‍රදේශවාසින් එක් ව අතුරුදහන් වු තරුණිය සොයා ඩෙවොන් ඇළෙහි සහ ඩොවොන් දිය ඇල්ලේ මෙහෙයුමක් සිදු කලත් අතුරුදහන් වු තරුණිය සොයා ගැනිමට නොහැකි වු නිසා අතුරුදහන් වු තරුණිය සොයා ගැනිමට සදහා නාවික හමුදාවේ සහ ශ්‍රි ලංකා යුධ හමුදා සහය ඉල්ලා ඇති බව දිඹුල පතන පොලිසියේ ස්ථානාධිපතිවරයා පැවසිය.

හැටන් – රංජිත් රාජපක්ෂ