ශ්‍රී ලංකා එක්දින සහ 20යි 20 කණ්ඩායම් වල නායකත්වයේ වෙනසක් සිදුකිරීමට ශ්‍රී ලංකා ක්‍රිකට් බලධාරීන් තීරණය කර ඇති බව වාර්තා වේ.
ඒ අනුව පසුගිය එංගලන්ත සංචාරයේදී ශ්‍රී ලංකා සීමිත පන්දුවාර කණ්ඩායම්වලට නායකත්වය දුන් කුසල් ජනිත් පෙරේරා ට නායකත්වය අහිමිවී ඇතැයි සඳහන් ය.
කණ්ඩායමේ නව නායකයා වශයෙන් තුන් ඉරියව් ක්‍රීඩක දසුන් ශානක පත්කර ඇතැයි අභ්‍යන්තර ආරංචි මාර්ග වාර්තා කරයි.
ශ්‍රී ලංකා ක්‍රිකට් කණ්ඩායම දැඩි කොරෝනා අවදානමකට මුහුණ පා තිබෙනවා. ඒ, ශ්‍රී ලංකා කණ්ඩායමේ පිතිකරණ පුහුණුකරු ග්‍රාන්ට් ෆ්ලවර්ට කොරෝනා වෛරසය ආසාදනය වී ඇති බවට තහවුරු වීමත් සමගයි.
ඒ අනුව එංගලන්ත සංචාරයට සහභාගී වූ සියලුම ක්‍රීඩකයින් හදිසි PCR පරීක්ෂණයකට යොමු කිරීමටයි තීරණය කර ඇත්තේ.
ශ්‍රී ලංකා ක්‍රිකට් ආරංචි මාර්ග පැවසුවේ ක්‍රීඩකයින් කොරෝනා මර්දන එන්නතේ දෙවන මාත්‍රාව ඉකුත් බදාදා දිනයේදී ලබාගෙන තිබූ බවයි.
පිතිකරණ පුහුණුකරු ග්‍රාන්ට් ෆ්ලවර්ට කොරෝනා වෛරසය ආසාදනය වී ඇති බවට තහවුරු වීමත් සමග ශ්‍රී ලංකා කණ්ඩායමේ පුහුණු කාර්යය මණ්ඩලයේ සියලුදෙනා නිරෝධායනයට යොමු කර තිබෙනවා.
