ලොව පළමුවරට එංගලන්තයේ සවුත්හැම්ප්ටන් හිදී ඉන්දියාව සහ නවසීලන්තය අතර අවසන් තරගය පැවැත්වූ “ලෝක ටෙස්ට් ක්‍රිකට් ශූරතාවලිය” ජය ගැනීමට නවසීලන්ත ක්‍රිකට් කණ්ඩායම සමත් විය.
තරඟයේ පළමුවෙන් පන්දුවට පහරදුන් ඉන්දීය කණ්ඩායම ලකුණු 217ක් රැස්කළේය. ඊට පිළිතුරු ලෙස නවසීලන්ත කණ්ඩායම රැස්කළ ලකුණු සංඛ්‍යාව 249කි.
විටින් විට වර්ෂාව හේතුවෙන් තරඟයට බාධා ඇතිවූ බැවින් 6 වැනි දිනටත් මෙම අවසන් තරඟය පැවැත්වුණි. තරඟයේ අවසන් දිනයේදි ඔවුන්ට සිය දෙවැනි ඉනිම සඳහා රැස්කළ ලකුණු ගණන 170කි.
ඒ අනුව ජයග්‍රහණය සඳහා ලකුණු 139ක ඉලක්කයක් හඹා ගිය නවසීලන්ත කණ්ඩායම කඩුලු දෙකක් පමණක් දැවී එම තරඟය ජයගත්තේය.
