හුදකලා කර ඇති බගවන්තලාව සෞඛ්‍ය වෛද්‍ය නිලධාරි කාර්යාලය යටතේ පාලනය වන බල ප්‍රදේශයෙන් (08) දින ලද පි.සි.ආර් පරික්ෂණ වාර්තා අනුව නව අසාදිතයන් 46 දෙනෙකු හදුනාගත් බවත්, එම අසාදිතයන් 46 දෙනා අතර වැඩි අසාදිතයන් පිරිසක් එකම පවුලේ සමාජිකයන් බව බගවන්තලාව සෞඛ්‍ය වෛද්‍ය නිලධාරි කාර්යාලයේ මහජන සෞඛ්‍ය පරික්ෂකවරුන් පැවසිය.
බගවන්තලාව පුලියාවත්ත නගරයෙන් 15 ක් , බගවන්තලාව වතු යායෙන් 09 ක් , මෝරා වතු යායෙන් 16 ක් ,තෙරේසියා වතු යායෙන් 05 ක් සහ කිලානි වතු යායෙන් 01 වශයෙන් අසාදිතයන් හමු වි ඇති බවයි මහජන සෞඛ්‍ය පරික්ෂකවරුන් කියා සිටියේ.
නව අසාදිතයන් පෙර අසාදිතයන්ගේ ආශ්‍රිතයන් බවත්,එම පිරිස ස්වයං නිරෝධානයට යොමු කර සිදු කරන ලද පි.සි.ආර් පරික්ෂණය අනුව නව අසාදිතයන් හදුනාගත් බවත්, නව අසාදිතයන් 46 දෙනාගේ ළගම ආශ්‍රිතයන් ස්වයං නිරෝධානයට යොමු කල බවද මහජන සෞඛ්‍ය පරික්ෂකවරයා පැවසිය.
බගවන්තලාව සෞඛ්‍ය වෛද්‍ය නිලධාරි කාර්යාල බල ප්‍රදේශයෙන් මේ වන විට අසාදිතයන් 661 ක් දෙනෙකු හමු වි ඇති බවත්, කොවිඩ් මරණ 18 ක් සිදු වි ඇති බවයි බගවන්තලාව මහජන සෞඛ්‍ය පරික්ෂකවරුන් කියා සිටියේ.
තලවකැලේ තේ පර්යේෂණ ආයතනය සහ ඊට යාබදව පිහිටි ශාන්ත කුම්බස් වතු යාය හුදකලා බවින් ඉවත් කෙරේ.
කොවිඩ් 19 වෛරසය අසාදනය වු අසාදිතයන් විශාල පිරිසක් හමුවිම නිසා ඉකුත් මස (07) දින සිට හුදකලා කර තිබු තලවකැලේ තේ පර්යේෂණ ආයතන සහ ඊට යාබදව පිහිටි ශාන්ත කුම්බස් වතු යාය (08) දින සිට හුදකලා බවින් බවත් කිරිමට පියවර ගත් බව ලිදුල සෞඛ්‍ය වෛද්‍ය නිලධාරි ජනත් අබේගුණරත්න මහතා පැවසිය.
එම ප්‍රදේශවලින් හමු වු අසාදිතයන්ගේ ළගම ආශ්‍රිතයන්ගෙන් සිදු කල පි.සි.ආර් පරික්ෂණය අනුව එම අසාදිතයන්ට කොවිඩ් 19 වෛරසය අසාදනය වි නොමැති බවට තහවුරු වු නිසා එම ප්‍රදේශ හුදකලා බවින් ඉවත් කිරිමට පියවර ගත් බවයි සෞඛ්‍ය වෛද්‍ය නිලධාරිවරයා කියා සිටියේ.
හැටන් – රංජිත් රාජපක්ෂ
