ශ්‍රී ලංකාව සහ බංග්ලාදේශය අතර එක්දින ක්‍රිකට් තරගාවලිය ඩකාහිදී අද ආරම්භ වේ.
කුසල් ජනිත් නායකත්වය දරන පළමු එක්දින තරගාවලිය මෙය වන අතර නවක ක්‍රීඩකයින්ගෙන් සමන්විත ශ්‍රී ලංකා කණ්ඩායමක් මෙම තරගාවලියට එක්ව සිටිනවා.
අයි සී සී ක්‍රිකට් ලෝක කුසලාන සුපර් ලීග් තරගාවලිය යටතේ මෙම තරගාවලිය පැවැත්වෙනවා.
2023 එක්දින ලෝක කුසලාන තරගාවලියට කණ්ඩායම් සුදුසුකම් ලබන්නේ සුපර් ලීග් තරගාවලියේ දක්වන දක්ෂතා අනුවයි.
අයි සී සී සුපර් ලීග් තරගාවලිය යටතේ ශ්‍රී ලංකාව සහභාගි වන දෙවන තරගාවලිය මෙය වන අතර මීට පෙර කොදෙව් කණ්ඩායම පැවති තරගාවලිය ශ්‍රී ලංකාව 3ට බින්දුවක් ලෙස පරාජයට පත් වුණා.
මෙම තරගාවලිය එක්දින තරග 03ක් ඇතුළත්ය.
කුසල් ජනිත් පෙරේරා ශ්‍රී ලංකා එක්දින ක්‍රිකට් කණ්ඩායමේ නායකත්වයට පත් වීමෙන් අනතුරුව සහභාගී වන පළමු තරගය මෙයයි.
ශ්‍රී ලංකාව සහ බංග්ලාදේශය අතර ඒක්දින තරග 48ක් පවත්වා ඇති අතර ඉන් තරග 39ක ජය ශ්‍රී ලංකාවටත් තරග 07ක ජය බංග්ලාදේශයත් හිමි කරගෙන තිබේ.
තරග 02ක් තීරණයක් නොමැතිව අවසන් වී තිබේ.
අද තරගය මෙරට වේලාවෙන් දහවල් 12යි 30ට ආරම්භ කිරීමට සැලසුම් කර තිබේ.
