කොරෝනා වෛරසය පාලනය සඳහා එන්නත් නිෂ්පාදනය කිරීමේ කටයුතු මෙරට දී ආරම්භ කිරීමට රජයේ අවධානය යොමු වී ඇති බව වාර්තා වන අතර රාජ්‍ය ඖෂධ නීතිගත සංස්ථාවේ සභාපති වෛද්‍ය ප්‍රසන්න ගුණසේන මහතාට අනුව මේ වන විටත් චීනයේ සයිනොෆාම් හා රුසියාවේ ස්පුට්නික් එන්නත් මෙරට නිෂ්පාදනය කිරීමට එම රටවල තානාපතිවරුන් සමග ලංකා රජය සාකච්ඡා කරමින් සිටියි.
ඒ අනුව එම රටවල් දෙකෙහි එන්නත් නිෂ්පාදන සමාගම් තම තාක්ෂණික දැනුම මෙරට ඖෂධ නිෂ්පාදන ආයතන වෙත ලබාදී ඒ හරහා මෙරට තුළ ආයෝජනය සිදු කිසිදු කිරීම පිළිබඳ මූලික සාකච්ඡා ආරම්භ කර ඇත.
රාජ්‍ය ඖෂධ නීතිගත සංස්ථාවේ සභාපති වෛද්‍ය ප්‍රසන්න ගුණසේන මහතා වැඩිදුරටත් අදහස් දක්වමින් පවසා සිටියේ මෙරට එන්නත් නිපදවීම සඳහා යෝජනා වී ඇති ස්ථානයක් නිරීක්ෂණය කිරීමට ශ්‍රී ලංකාවේ චීන සහ රුසියානු තානාපති කාර්යාලවලින් දැනටමත් එකඟතාවය පළකර ඇති බවයි.
