ගෝල් ග්ලැඩියේටර්ස් තරගාවලියේ පළමු ජය වාර්තා කරයි

තරගාවලියේ, කලම්බෝ කිංග්ස් කණ්ඩායම සමග පැවැති තරගය ගෝල් ග්ලැඩියේටර්ස් කණ්ඩායම කඩුලු 8 කින් ජය ගත්තේය.

කාසියේ වාසිය හිමි කරගෙන පළමුවෙන් පන්දුවට පහර දුන් කලම්බෝ කිංග්ස් කණ්ඩායම පන්දුවාර 20 අවසානයේ සියලු දෙනා දැවී ලකුණු 171 ක් රැස් කළේය.

දිනේෂ් චන්දිමාල් ලකුණු 35 ක් රැස් කළ අතර ඉනිමේ වැඩිම ලකුණු ලාභියා වූ ඩැනියෙල් බෙල්-ඩ්‍රමන්ඩ් ලකුණු 44 ක් රැස් කළේය.

පන්දු යැවීමේදී මොහොමඩ් අමීර් ලකුණු 26 ට කඩුලු 5 ක් ලබාගත් අතර ලක්ෂාන් සඳකැන් ලකුණු 33 කට කඩුළු 3ක් ලබා ගත්තේය.

පිළිතුරු ඉනිම ක්‍රීඩා කළ ගෝල් ග්ලැඩියේටර්ස් කණ්ඩායම පන්දුවාර 17 යි පන්දු 3 ක් අවසානයේ කඩුලු 2 ක් පමණක් දැවී ජයග්‍රාහී ඉලක්කය පසු කළේය.

ධනුෂ්ක ගුණතිලක ලකුණු 38 ක් රැස් කළ අතර අර්ධ ශතකයක් වාර්තා කළ අහසාන් අලී ලකුණු 56 යි.

ගෝල් ග්ලැඩියේටර්ස් කණ්ඩායම තරගාවලියේ වාර්තා කළ පළමු ජයග්‍රහණය මෙය වේ.