පොදු ව්‍යාපාර පිළිබඳ කාරක සභාව හෙවත් කෝප් කමිටුව අන්තර්ජාලය ඔස්සේ අද(26) සිට පැවැත්වීමට නියමිත බව කෝප් කමිටු සභාපති ආචාර්ය චරිත හේරත් මහතා පවසයි.
ඒ අනුව පළමු වරට සූම් තාක්ෂණය ඔස්සේ අද කෝප් කමිටුව රැස්වන අතර පසුගිය දිනවල සීමිත සාමාජික සංඛ්‍යාවක් පමණක් කෝප් කමිටු රැස්වීම් සඳහා සහභාගී වූහ. කොවිඩ් 19 වසංගත තත්ත්වය හේතුවෙන් කෝප් කමිටුවට සහභාගීවන පිරිස සීමා කර ඇති අතර ඉතිරි පිරිසට මේ අනුව සූම් ඇප් එක භාවිතයෙන් සහභාගීවීමේ අවස්ථාව සලසා ඇත.
මේ අනුව අද දිනයේදී කැලණි ග‍‍ඟේ ජල දූෂණය සම්බන්ධයෙන් කෝප් කමිටුවේදී සාකච්ඡා කිරීමට නියමිතය.
