ලංකා විදුලි පෞද්ගලික සමාගමේ කඳාන ශාඛාවේ සේවකයන් 12 දෙනෙකුට කොරෝනා වෛරසය ආසාදනය වී ඇත.
ඊයේ දින මෙම ආසාදිත පිරිස හඳුනාගත් බවත් ඔවුන් රෝහල්ගත කල ඇති බවත් ජාඇල මහජන සෞඛ්‍ය පරීක්ෂකවරයා සඳහන් කරයි.
“සොයා ගත් තොරතුරු අනුව මෙහි සේවක මහතෙකුගේ දියණියක් බ්‍රැන්ඩික්ස් ආයතනයේ සේවය කරලා තියෙනවා. ඇය එහි සේවය කළ බව දැනගෙන තියෙන්නේ පසුගිය 3 වන දා. එදාම ලේකෝ ආයතනය විසින් මෙම සේවක මහත්තයාව අදාළ සෞඛ්‍ය නිලධාරී කොට්ඨාසයට යවලා නිරෝධායනයට යොමු කරලා තියෙනවා. ඒ අනුව ඔහුව නිරෝධායනය කරාට පසුව මෙහි සේවක මහත්වරු පීසීආර් පරීක්ෂණයක් සඳහා යොමු කරලා තියෙනවා පසුගිය සිකුරාදා දිනයේ දී. එතන දී යොමු කළ සේවකයින්ගෙන් 12 දෙනෙක් පොසිටිව් වුණා කියලා ලෙකෝ ආයතනය සඳහන් කරලා තියෙනවා.“
