කොරෝනා ආසාදිත කාන්තාව රැකියාව කළ ඇගළුම් කර්මාන්ත ශාලා ගොඩනැගිල්ලේ 400 දෙනෙක් සේවය කරලා
මෙම 39 හැවිරිදි කාන්තාව රැකියාව කරන එම ඇඟළුම් කර්මාන්ත ශාලාවේ පිහිටි වායු සමීකරණය කළ එම ගොඩනැගිල්ලේ සේවක සේවිකාවන් 400 දෙනෙකු සේවය කරන බවයි සෞඛ්‍ය අංශ සඳහන් කරන්නේ.
මේ වන විට එම පිරිස් කවුරුන්දැයි හඳුනාගෙන ඇති අතර ඔවුන්ව නිවෙස් වෙත ගොස් දැනුවත් කිරිමේ වැඩකටයුතු ආරම්භ කොට ඇති බවත් මෙම සේවිකාව සමග බස් රථයේ ගමන් කළ 40 දෙනෙකු පමණ නිවෙස් නිරෝධායනයට යොමු කොට ඇති බවයි සෞඛ්‍ය බලධාරීන් සඳහන් කළේ.
මෙම කොරෝනා ආසාදිත කාන්තාව සේවය කළ එම ඇඟළුම් කම්හලේ ගොඩනැගිල්ල දැනට මුද්‍රා තබා ඇති බවයි ප්‍රදේශයේ සෞඛ්‍ය බලධාරීන් සඳහන් කළේ.
