සැප්තැම්බර් මස තුල 12% වර්ධනයක් දැක් වූ සියලු කොටස් මිල දර්ශකය ලොව අනෙක් මිල දර්ශකයන් අභිබවමින්, එම මාසය තුල වැඩිම වර් ධනයක් දැක්වූ මිල දර් ශකය බවට පත්ව ඇත. සැප්තැම්බර් මස තුල කොළඹ කොටස් වෙළෙදපොළෙහි සමස්ත වෙළෙදපොළ ප්‍රාග්ධනීකරණය රුපියල් බිලියන 279.6ක් එකතු වීමද විශේෂත්වයකි.
කොළඹ කොටස් හුවමාරුවෙහි විශාලතම සහ ද්‍රවශීලතාවයෙන් ඉහළම කොටස් 20කින් සමන්විත මිල දර් ශකය වන S & P ශ්‍රී ලංකා 20 මිල දර් ශකයද සැප්තැම්බර් මාසය තුල 4.39% ක ප්‍රගතියක් වාර් තා කල අතර සැප්තැම්බර් 30 වන දිනය අවසානයේදී දර් ශක අගය 2,463.27 ලෙස සටහන් විය.
වෙළඳ ගනුදෙනු දිනයක් තුළ සිදු කරන ලද සාමාන්‍ය ගනුදෙනු ගණන 20,607 ලෙස සැප්තැම්බර් මාසයෙදී වාර් තා වූ අතර මෙම වසරේදී දක්නට ලැබෙන සාමාන්‍යයට සාපේක්ෂව 96% කින් සැප්තැම්බර් මාසයෙදී මෙම අගය වර්ධනය වීම තවත් විශේෂත්වයක් වන අතර මෙමගින් ආයෝජකයින්ගේ උනන්දුවද පෙන්නුම් කරයි. තවද සැප්තැම්බර් මාසයෙදී සමස්ත වෙළෙදපොළ පිරිවැටුම රුපියල් බිලියන 50ක් ලෙස වාර් තා විය.
මෙම වාර් තාව පිළිබදව කොළඹ කොටස් හුවමාරුවෙහි සභාපති දුමිත් ප්‍රනාන්දු මහතා අදහස් දක්වමින් පවසා සිටියේ “මැයි 11 නැවත වෙළදපොළ විවෘත කල පසු වෙළදපොළ දැක් වූ ඉහළ ප්‍රගතිය ගැන අප සතුටු වෙනවා. පොළි අනුපාතයන් යම් තාක් දුරට පහත වැටී ඇති වාතාවරණයක් තුල තැන්පතු වශයෙන් රැදී ඇති මුදල් කොටස් වෙළදපොළ තුල ආයෝජනය වන රටාවක් මෑතකදී අප දැක ඇති අතර මෙය ඉදිරි මාස කිහිපය තුල එලෙසම සිදුවනු ඇතැයි අප බලාපොරෝත්තු වෙනවා.
කොටස් වෙළෙදපොලෙහි ලැයිස්තුගත සමාගම් කොවිඩ් වසංගතයෙහි මුල්‍යමය බලපෑම පාලනය කිරීම හේතුවෙන් අයෝජක ප්‍රජාව අතර විශ්වාසයක් ගොඩනැගෙමින් තිබෙනවා. ඉදිරි කාර් තුවන් තුලදී ශක්තිමත් ඉපැයිම් ඉදිරිපත් කල හැකි යැයි බලාපොරොත්තුවන සමාගම් ආයෝජක ප්‍රජාවගේ දැඩි අවධානයට ලක්ව තිබෙනවා”.
අනිකුත් ගෝලීය දර්ශක හා සසදන කල ශ්‍රී ලංකාවේ වෙළෙඳපළ ක්‍රියාකාරිත්වය පිළිබඳ ප්‍රස්තාරික නිරූපණය
කොළඹ කොටස් හුවමාරුව පිළිබඳව:
කොළඹ කොටස් හුවමාරුව ශ්‍රී ලංකාවේ එකම කොටස් වෙළෙඳපොළ ලෙස ක්‍රියාත්මක වන අතර එමගින් ලයිස්තුගත සමාගම් හා ආයෝජකයන්ට හමුවීම සඳහා අවශ්‍ය පාරදෘශ්‍ය හා විධිමත් පරිසරය සකස් කෙරෙයි.
සාමාජික ආයතන 15 කින් හා ගනුදෙනුකරන සාමාජික ආයතන 14 කින් සමන්විත මෙය ශ්‍රී ලංකාවේ නෛතික රාමුවට අදාලව ඇපයෙන් සීමිත සමාගමක් ලෙස ලියාපදිංචි කර තිබෙන අතර ශ්‍රී ලංකා සුරැකුම්පත් හා විනිමය කොමිසන් සභාව මගින් අධිකාරිය ලබා තිබේ. මෙම සියලුම සාමාජික ආයතන හා ගනුදෙනුකරන සාමාජික ආයතන කොටස් තැරැව්කරුවන් ලෙස ක්‍රියාත්මක වීමට ශ්‍රී ලංකා සුරැකුම්පත් හා විනිමය කොමිසන් සභාව මගින් බලපත්‍ර ලබාගත යුතුය. වැඩි විස්තර www.cse.lk වෙබ් අඩවියෙන් ලබාගත හැක.
