හැටන් සිට බගවන්තලාව රොබ්ගිල් දක්වා ධාවනය වෙමින් තිබු ත්‍රිරෝද රථයක් ගිනිගෙන විනාශ වි ඇත.
(21) දින පස්වරු 4 ට පමණ ත්‍රිරෝද රථය ගිනිගෙන විනාශ වි ඇත්තේ හැටන් රෝබ්ගිල් ප්‍රධාන මාර්ගයේ වානකාඩු වත්ත ප්‍රදේහයේදිය.
ත්‍රිරෝද රථය මගියෙකු නංවාගෙන කුලි ගමනක් සදහා ධාවනය කරමින් සිටි අවස්තාවේ ත්‍රිරෝද රථය තුලින් ගින්නක් හටගත් බවත් , පසුව ගින්න සිඝ්‍රයෙන් ත්‍රිරෝද රථය පුරා පැතිර ගොස් ත්‍රිරෝද රථය ගිනිගෙන විනාශ වි ඇත.
ගින්නෙන් ත්‍රිරෝද රථයේ ගමන්ගත් මගියාට හෝ ත්‍රිරෝද රථ රියදුරාට කිසිදු අනතුරක් සිදු වි නොමැත.
ත්‍රිරෝද රථය ගිනි ගැනිමෙන් සිදු වු අලාභය රු ලක්ෂ 10 කට ආසන්න බවත් , ත්‍රිරෝද රථයේ හදිසියේ හටගත් කාර්මික දෝෂයක් ගිනිගැනිමට හේතුව විමට ඉඩ ඇති බවයි ත්‍රිරෝද රථයේ රියදුරා කියා සිටියේ.
ත්‍රිරෝද රථය ගිනි ගැනිම සම්බන්ධයෙන් බගවන්තලාව පොලිසිය පරික්ෂණ පවත්වයි.
