ඉන්දියාවේ බිහාර් සහ උත්තර් ප්‍රදේශ් හි ස්ථාන කිහිපයකදී ඇතිවූ අකුණු ගැසීම් හේතුවෙන් පුද්ගලයින් 83 කට අධික පිරිසක් මියයාමේ සිද්ධියක් ඉන්දියාවෙන් වාර්තා වෙයි.
බිහාර් මහ ඇමති නිතිෂ් කුමාර් මියගිය අයගේ පවුල් සඳහා රුපියල් ලක්ෂ 4 බැගින් වන්දි මුදලක් ප්‍රකාශයට පත් කර තිබේ.
සිදුව ඇති ඛේදනීය සිදුවීම සම්බන්ධයෙන් තමන් මහත් කම්පාවට පත්ව සිටින බවත් විපතට පත්වූ ජනතාවට ප්‍රාන්ත බලධාරින් සහන සැලසීමට අවශ්‍ය කටයුතු යොදා ඇති බවයි ඉන්දීය අග්‍රාමාත්‍ය නරේන්ද්‍ර මෝදී මහතා ට්විටර් සටහනක් තබමින් ප්‍රකාශ කර සිටිනවා.
“බිහාර් සහ උත්තර් ප්‍රදේශ්හි සමහර දිස්ත්‍රික්කවල අධික වර්ෂාව සහ අකුණු සැර වැදීමෙන් පුද්ගලයින් ගණනාවක් ජීවිතක්ෂයට පත්වීමේ අවාසනාවන්ත පුවත ලැබුණි. ප්‍රාන්ත රජයන් සහන සේවා කටයුතුවල නිරතව සිටිති. මියගිය අයගේ පවුල්වලට මාගේ ශෝකය ප්‍රකාශ කරමි.“
ඉන්දියාවේ කාලගුණ විද්‍යා දෙපාර්තමේන්තුව බිහාර් සහ උත්තර් ප්‍රදේශ්හි බිහිසුණු කාලගුණික තත්ත්වයන් පිළිබඳව රතු අනතුරු ඇඟවීම් ද නිකුත් කර තිබුණි.
අධික වර්ෂාපතනය නිසා බිහාර් හරහා ගංගා වල ජල මට්ටම විශාල ලෙස ඉහළ යාමට හේතු වූ බැවින් ජාතික ගංවතුර තත්ත්වය පිළිබඳව ජාතික ආපදා කළමනාකරණ අධිකාරිය බිහාර්ට අනතුරු අඟවා ඇත.
උත්තර් ප්‍රදේශ් ප්‍රාන්තයේ අකුණු සැර වැදීමෙන් අවම වශයෙන් පුද්ගලයින් 24 දෙනෙකු මියගොස් තිබේ. බොහෝ මරණ වාර්තා වී ඇත්තේ ඩියෝරියා සහ ප්‍රයග්‍රාජ් විසිනි. ඩියෝරියා හි පමණක් පුද්ගලයින් 9 දෙනෙකු මිය ගිය අතර ප්‍රයග්‍රාජ්ගෙන් මරණ 6 ක් වාර්තා විය.
අම්බෙඩ්කර් නගර්හි තිදෙනෙකු සහ බරබන්කිහි දෙදෙනෙකු ජීවිතක්ෂයට පත් වූ අතර කුෂිනගර්, උන්නාවෝ, ෆතේපූර් සහ බල්රම්පූර් යන ප්‍රදේශවලින් එක් මරණයක් වාර්තා විය.
මියගිය සියලු දෙනාගේ පවුල්වලට රුපියල් ලක්ෂ 4 බැගින් වන්දි මුදලක් ප්‍රකාශයට පත් කර තිබේ.
අකුණු සැර වැදීමෙන් තුවාල ලැබූවන්ට පූර්ණ ප්‍රතිකාර ලබා දෙන බවට ප්‍රාන්ත රජය සහතික වී තිබේ.
