ඇදිරි නිති රෙගුලාසි උල්ලංඝනය කරමින් රජයේ අනුමත මත්පැන් අලෙවි කරමින් සිටි සැකකරුවෙකු (30) දින රාත්‍රි සැකපිට අත්අඩංගුවට ගත් බව බගවන්තලාව පොලිසිය පැවසිය.
රජයේ අනුමත මත්පැන් බෝතලයක් රු පන්දහසක් වැනි අධික මුදලකට බගවන්තලාව නගරයේ නිවසක අලෙවි කරන බවට බගවන්තලාව පොලිසිය වෙත ලද තොරතුරක් මත බගවන්තලාව පොලිසිය විසින් උපාය දුතයෙකු යොදවා සැකකරු අත්අඩංගුවට ගෙන ඇත.
සැකකරු අත්අඩංගුවට ගන්නා අවස්තාවේ ඔහු සන්තකයේ රජයේ අනුමත මත්පැන් බෝතල් 10 ක් තිබු බවත්, අත්අඩංගුවට ගත් සැකකරු බගවන්තලාව ප්‍රදේශයේ පදිංචිකරුවෙකු බවයි පොලිසිය පැවසුවේ.
අත්අඩංගුවට ගත් සැකකරු ඇදිරි නිති රෙගුලාසි උල්ලංඝනය කරමින් බලපත්‍රයක් නොමැතිව රජයේ අනුමත මත්පැන් බෝතල් අලෙවි කිරිම යන චෝදනා යටතේ හැටන් මහෙස්ත්‍රාත් අධිකරණය වෙත ඉදිරිපත් කරන බව බගවන්තලාව පොලිසියේ ස්ථානාධිපති ප්‍රධාන පොලිස් පරික්ෂක ශාන්ක බණ්ඩාර මහතා පැවසිය.
