වැලිකඩ බන්ධනාගාරයේ අළුත් වැඩියාව වර්ණ ආලේප කිරීම සහ වහළ සෙවිලි කිරිම් සදහා ද්‍රව්‍ය ආධාර බන්ධනාගාරය වෙත පරිත්‍යාග කිරීමේ වැඩ පිළිවෙලේ දෙවන අදියර සදහා ද්‍රව්‍යන් බන්ධනාගාරය වෙත ලබාදීම අධිකරණ මානව හිමිකම් හා නීති ප්‍රතිසංස්කරණ අමාත්‍ය නීතිඥ නිමල් සිරිපාල ද සිල්වා මහතාගේ ප්‍රධානත්වයෙන් බන්ධනාගාර පරිශ්‍රයේදී පැවැත්විණි.
එහිදි TOKYO සිමෙන්ති ආයතනය සියැට් ආයතනය මැක්ටයිල් ආයතනය විසින් සිමෙන්ති ටයිල් හා අනෙකුත් ද්‍රව්‍ය භාරදීම සිදු විය.
අධිකරණ මානව හිමිකම් හා නීති ප්‍රතිසංස්කරණ අමාත්‍යාංශයේ ලේකම් ජේ.ජේ.රත්නසිරි ,බන්ධනාගාර කොමසාරිස් ජනරාල් ජයසිරි විජයනාත් තෙන්නකෝන් යන මහත්වරුන්ද මෙහිදි අදහස් පළ කළේය.
බන්ධනාගාරය අළුත් වැඩියා කිරීමේ පළමු අදියර යටතේ මේ වන විටත් රැදවියන් සිටින ශාලා 14 ක් හා තෙමහල් ගොඩනැගිලි තුනක අළුත් වැඩියා හා තීන්ත ආලේප කිරීමේ කටයුතු රැදවියන්ගේ ශ්‍රම දායකත්වය මත අවසන් වෙමින් පවතියි.
දෙවන අදියර යටතේ පරිත්‍යාගශීලි ආයතනවල අනුග්‍රහයෙන් සිමෙන්ති ටයිල් ඇස්බැස්ටොස් තහඩු ලබා දී සිදු විය.දෙවන අදියර යටතේ බන්ධනාගාර රැදවියන් ආහාර ගන්නා ශාලාවේ වහළ සෙවිලි කර බිම ටයිල් අතුරා සකස් කිරීමට ද නියමිතයි.
