මෙරට මෝටර් රථ ඉතිහාසයට නව පරිච්ඡේදයක් එක් කරමින් ශ්‍රී ලංකාවේ Vega Innovations විසින් නිෂ්පාදනය කරන ලද පරිපූර්ණ ඉලෙක්ට්‍රික් Vega EVX සුපිරි මෝටර් රථය එළඹෙන මාර්තු 05 – 15 දක්වා ස්විස්ටර්ලන්තයේ දී පැවැත්වෙන 90 වැනි ජිනීවා මෝටර් රථ උළෙලේ දී මුල් වරට ප්‍රදර්ශනය කිරීමට නියමිතයි.
Vega EVX සුපිරි කාරය පැයට කිලෝමීටර 260 වේගයක් ලබා ගැනීමට සමත් වේ. ඉලෙක්ට්‍රික් කාරයක් වන මෙය එක් ආරෝපණයකින් කිලෝමීටර 270 ක දුරක් ධාවනය කිරීමට තරම් ප්‍රබල බැටරි ධාරිතාවයකින් සන්නද්ධය.
මෙය දකුණු ආසියාවේ පළමු වරට නිර්මාණය කරන ලද පරිපූර්ණ ඉලෙක්ට්‍රික් සුපිරි මෝටර් රථය වේ.
