දුරුතු පොහය දා තලවකැලේ නගරයේ වැඩි මිලට රජයේ අනුමත මත්පැන් අලෙවි කරමින් සිටි ජාවාරම්කරුවෙක් තලවකැලේ පොලිසියේ රථ වාහන අංශයේ නිලධාරින් විසින් අත්අඩංගුවට ගෙන ඇත.
සැකකරු තලවකැලේ නගරයේම වෙලදසැලක් තුල ඉතා සුක්ෂම ලෙස සගවාගෙන වතු කම්කරුවන්ට ඉතා අධික මිලකට රජයේ අනුමත මත්පැන් බෝතල් අලෙවි කරමින් සිටි බවයි වැටලිම සිදු කල තලවකැලේ පොලිසියේ නිලධාරින් කියා සිටියේ.
සැකකරු අත්අඩංගුවට ගන්නා අවස්තාවේ ඔහු සන්කයේ තිබි මිලිලිටර් 750 මත්පැන් බෝතල් පහක් සහ මිලිලිටර් 225 මත්පැන් බෝතල් 43 ක් පොලිස් භාරයට ගත් බවයි වැටලිම සිදු කල තලවකැලේ පොලිසියේ නිලධාරින් කියා සිටියේ.
අත්අඩංගුවට ගත් සැකකරු තලවකැලේ නගරයේම පදිංචිකරුවෙකු බවත්, සැකකරු පොලිස් ඇප මත මුදා හැර සැකකරුට එරෙහිව නුවරඑලිය මහෙස්ත්‍රාත් අධිකරණය හමුවේ නෛතික පියවර ගන්නා බවයි තලවකැලේ පොලිසියේ ස්ථානාධිපති ප්‍රධාන පොලිස් පරික්ෂක රුවන් ප්‍රනාන්දු මහතා කියා සිටියේ.
