ඌරගස්මන්හන්දිය, ගා/ හිපන්කන්ද කණ්ෂ්ඨ විද්‍යාලයට පැමිණි ජර්මන් ජාතික විශිෂ්ට සංගීතඥයෙකු වන රෙයින්හොක්ඩ් බෙක්මෑන් (Reinhocd Beckmann) නැමැති අය සිසු දරු දැරින්ට සංගීත වැඩ සටහනක් පවත්වා තිබේ.
මෙම සංගීතඥයා ජර්මනිය වෙනුවෙන් තනු නිර්මාණ රැසකට සංගීතය සැපයු විශිෂ්ට සංගීතඥයෙක් බවද සදහන් වේ. ජර්මනියේ ජනප්‍රිය ගුවන් විදුලි නාලිකාවක වාදන ශිල්පියෙක් ලෙස කටයුතු කරන ඔහු නිවාඩුවක් ගත කිරීම සදහා ශ්‍රි ලංකාවට පැමිණි අවස්ථාවක මෙම පාසැලට පැමිණ තිබේ.
විදුහල්පති ප්‍රවීණ මාධ්‍යෙව්දී කමල් ශ්‍රී ලියනගේ මහතාගේ හිතමිතුරෙකු විසින් මෙම සංගීතඥයා විදුහලට කැදවාගෙන පැමිණ තිබේ. මෙවන් විශිෂ්ට වාදන ශිල්පියකු ගේ සත්සර රාවයක් අහන්න ලැබීම භාග්‍යයක් බවත් දරුවන්, ගුරුවරුන්, මව්පියවරුන් ඔහු අමන්දානන්දයට පත් කල බව විදුහල්පති කමල් ශ්‍රී ලියනගේ මහතා ප්‍රකාශ කළේය.
