මත්ද්‍රව්‍යය රැගෙන ශ්‍රි පාද වන්දනාවේ පැමිණි තරුණයන් පස් දෙනෙක් සැකපිට අත්අඩංගුවට ගත් බව හැටන් පොලිස් කොට්ඨාශ දුෂණ මර්දන ඒකකයේ නිලධාරින් පැවසිය.
හැටන් මාර්ගය ඔස්සේ මත්ද්‍රව්‍යය රැගෙන ශ්‍රි පාද වන්දනාවේ පැමිණෙන වන්දනාකරුවන් අත්අඩංගුවට ගැනිම සදහා ගිනිගත්හේන දියගල ප්‍රදේශයේ සිදු කල පරික්ෂාවකදි මෙම සැකකරුවන් පස් දෙනා සන්තකයේ කේරල ගංජා සහ ගංජා මිශ්‍ර මදන මෝදක ගුලි තිබි හමු වු බවයි වැටලිම සිදු කල නිලධාරින් කියා සිටියේ.
වයස අවුරුදු 20 ත් 25 වයස් කාණ්ඩ වල පසුවන සැකකරුවන් කොළඹ , අනුරාධපුර සහ මොරටුව ප්‍රදේශවල පදිංචිකරුවන් බවත්, එම සැකකරුවන් හැටන් මහෙස්ත්‍රාත් අධිකරණය වෙත ඉදිරිපත් කරන බව වැටලිම සිදු කල නිලධාරින් පැවසිය.
ශ්‍රි පාද වන්දනාවේ මත්ද්‍රව්‍යය රැගෙන එන වන්දනාකරුවන් අත්අඩංගුවට ගැනිම සදහා හැටන් පොලිස් කොට්ඨාශය තුල විශේෂ වැඩ පිලිවෙලක් දියත් කර ඇත.
