ජාතික ඩෙංගු මර්ධන ඒකකය, ජනාධිපති කාර්ය සාධක බලකාය එක්ව දැනට ක්‍රියාත්මක ඩෙංගු මර්ධන වැඩසටහන් සඳහා නාවික හමුදාව දෙසැම්බර් 02 වන දින සිට 04 වන දින දක්වා සිය සක්‍රීය දායකත්වය ලබා දෙන ලදි.
ආරක්ෂක අමාත්‍යංශය සහ සෞඛ්‍ය අමාත්‍යංශය එක්ව ක්‍රියාත්මක කරනු ලබන මෙම ඩෙංගු මර්ධන වැඩසටහන සඳහා නාවික හමුදාධිපති, වයිස් අද්මිරාල් පියල් ද සිල්වා ගේ මගපෙන්විම යටතේ කොළඹ, ගම්පහ, යාපනය, මාතලේ, මඩකලපුව සහ කල්මුණේ යන ප්‍රදේශ වලට අයත් නාවික විධානයන් වලට අනුයුක්ත නාවික පුද්ගලයින් විශාල පිරිසක් සහභාගි වන ලදි. එහිදි පරිසර පද්ධතිය දැඩි ලෙස පරික්ෂාවට ලක් කර පිරිසිදු කිරිමේ කටයුතු සිදු කරන ලදි.
මිට අමතරව නාවික හමුදා කදවුරු පරිශ්‍රයන් තුල ද ඩෙංගු මර්ධන වැඩසටහන් රැසක් පැවැත්වීමට කටයුතු කරන ලද අතර, මාරාන්තික ඩෙංගු උවදුර මර්ධනය කිරීම සඳහා දිවයිනේ සෑම ප්‍රදේශයක්ම ආවරණය වන පරිදි ක්‍රියාත්මක කරගෙන යනු ලබන වැඩසටහන් සඳහා නාවික පුද්ගලයින් නිරන්තරයෙන් සිය දායකත්වය ලබා දීමට කටයුතු කරනු ලබයි.
තවද, ඉදිරියේදීත් මෙම ජාතික කර්තව්‍ය උදෙසා සිය දායකත්වය උපරිම ලෙස ලබා දීමට නාවික හමුදාව අපේක්‍ෂා කෙරේ.
