පොළොන්නරුව රාජකීය විද්‍යාලයේ හසිනි වාසනා සෙව්වන්දි දැරියගේ “මණ්කඩ රූ රටා 2019” සිතුවම් දැක්ම හා ග්‍රන්ථ එළිදැක්වීමේ උත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්විණි.
පොළොන්නරුව රාජකීය විද්‍යාලයේ 9 ශ්‍රේණියේ ඉගෙනුම ලබන හසිනි වාසනා සෙව්වන්දි දැරියට නව නිවසක් ලබාදීමට ද ජනාධිපතිතුමා කටයුතු කර තිබූ අතර ඊට උපහාර දක්වමින් මෙම උලෙළ සංවිධානය කර තිබුණු අතර එම දැරිය විසින් රචනා කරන ලද චිත්‍ර කතා පොත් 12ක් ද ජනාධිපතිතුමා වෙත පිළිගැන්විණි.
සමස්ථ ලංකා බර එසවීමේ ශූරතාවය දිනාගත් විද්‍යාලයේ දරුවන්ට ත්‍යාග සහ සහතික පත් පිළිගැන්වීම ද ජනාධිපතිතුමා අතින් සිදු විය.
පොළොන්නරුව රාජකීය විද්‍යාලයේ විදුහල්පති රවීලාල් විජේවංශ මහතා ඇතු`ථ පිරිසක් මෙම අවස්ථාවට එක්ව සිටියහ.
