හින්දු භක්තිකයන්ගේ ප්‍රධාන වාර්ෂික උත්සවයක් වන දිපාවලි උත්සවය හෙටට (27) යෙදි ඇත.
දිපාවලි උත්සව සමයේ වතුකරයේ ජනතාව වතුකරයේ ප්‍රධාන නගරයක් වන හැටන් නගරයට විශාල වශයෙන් දිපාවලි උත්සවයට අවශ්‍යය අලුත් රෙදි පිලි සහ නිවසට අවශ්‍යය ආහාර ද්‍රව්‍යය මිල දි ගැනිමට පැමිණෙමින් සිටියි.
දිපාවලි උත්සව සමයේ වෙලදාම් කිරිම සදහා හැටන් නගරයට පිටතින් ව්‍යාපාරිකයන් විශාල පිරිසක් පැමිණ ඇති අතර එම වෙලදුන් අතරින් වෙලදුන් රැසක් හැටන් නගරයට පැමිණෙන පාරිභෝගිකයන්ට අවහිර වන සේ පදික වේදිකාවේ ව්‍යාපාර කටයුතු කරන බවට හැටන් පොලිසියට ලද තොරතුරු කිහිපයක් මත හැටන් පොලිසියේ නිලධාරින් විසින් පදික වේදිකාවේ වෙලදාම් කල වෙලදුන් රැසක් ඉවත් කිරිමට අද (26) කටයුතු කරනු ලැබුවා.
දිපාවලි උත්සව සමයේ හැටන් නගර ඇතුළු ප්‍රධාන නගර වලට පැමිණෙන පාරිභෝගිකයන් වෙනුවෙන් පොලිසිය මගින් විශේෂ ආරක්ෂිත වැඩ පිලිවෙලක් දියත් කර ඇති අතර පාරිභෝගිකයන්ට පහසු වන සේ රථ වාහන සැලැස්මක්ද දියත් කර ඇත.
