උගත්කම සොරකම් කරන්න පුළුවන් වුණා නම් අපේ රටේ දේශපාලන ඉතිහාසයේ බලවතුන් නිදහස් අධ්‍යාපනයේ පියා යන වචනයත් සොරකම් කරන බව අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන මහතා පැවසීය.
අමාත්‍ය වජිර අබේවර්ධන මහතා මේ බව පැවසු ළගම පාසල හොඳම පාසල” ජාතික වැඩසටහන යටතේ ගාල්ල මහින්ද විද්‍යාලයේ රුපියල් මිලියන 310ක වියදමකින් ඉදි කළ නව තෙමහල් පන්ති කාමර ගොඩනැගිල්ල සිසු අයිතියට පත් කිරීම අවස්ථාවට එක්වෙමිනි.
මෙහිදී වැඩිදුරටත් අදහස් දැක්වූ අමාත්‍යවරයා
සී.ඩබ්ලිව්.ඩබ්ලිව්. කන්නංගර මැතිතුමා නිදහස් අධ්‍යාපනය පිළිබඳව දැක්වූ අදහස් රාජ්‍ය මන්ත්‍රන සභාවේ සටහන් වෙනවා.නිදහස් අධ්‍යාපනයේ පියා සී.ඩබ්ලිව්.ඩබ්ලිව්. කන්නංගර මැතිතුමාගේ පිළිරුව තමයි ගෝල් ෆේස් පිට්ටනියේ හදන්න ඕන කියලා මම එදා විපක්ෂයේ මන්ත්‍රීවරයකුව සිටියදී කිව්වේ. මේ රටේ දේශපාලන බලවතුන් සොරාගත හැකි සියල්ල සොරා ගෙන ඇත.
සොරා ගන්න බැරි අධ්‍යාපනයයි. කන්නංගර මැතිතුමා ජාතියට දායාද කළ නිදහස් අධ්‍යාපනය වර්තමාන අගමැති රනිල් වික්‍රමසිංහ මැතිතුමා එහි මහා පෙරළියක් ඇති කරනවා. උගත්කමට දක්ෂකමට සමානතාවය හදල දෙනවා. එතුමා තරග විභාග ක්‍රමය ඇති කරනවා. විද්‍යා පීඨ ඇති කරනවා. දක්ෂ විදුහල්පතිවරු ඇති කරන ක්‍රමවේදය ඇති කරනවා” යැයි කීය.
