කුසල් ජනිත් සහ දිමුත් ප්‍රබල පිති ප්‍රහාර එල්ල කරද්දි ශ්‍රී ලංකා මැදෙපළ ඕස්ට්‍රේලියාවට විකට් දන්සලක් ලබාදීම ඊයේ දිනයෙදිත් අති සාර්ථක ලෙස සිදු කෙරිනි.
ශ්‍රී ලංකා මැදෙපළ පිතිකරුවන් මෙවරත් සාර්ථක විකට් දන්සලක් ලබාදීම නිසා ඕස්ට්‍රේලියාව සමග පැවැති තරගයෙන් ඕස්ට්‍රේලියාවට ලකුණු 87ක පහසු ජයක් ලබාගත හැකි විය.
ඕස්ට්‍රේලියානු කණ්ඩායම පන්දුවාර 50 අවසානයේදී කඩුලු 7ක් දැවී ලකුණු334ක් ලබාගත්තේය.
පිළිතුරු ඉනිම ක්‍රීඩා ශ්‍රී ලංකා පිලට පන්දුවාර 45යි පන්දු 5කදී සියලු දෙනා දැවී ලබාගත හැකි වුයේ ලකුණු 247ක් පමණි.
කුසල් ජනිත් සහ දිමුත් ප්‍රබල පිති ප්‍රහාරයක් ඕස්ට්‍රේලියාවට එරෙහිව දියත් කලද ක්‍රිකට් ලෝලින්ගේ බලාපොරොත්තු බිද දමමින් සෙසු පිතිකරුවන් පොසොන් පොහොය නිමිති කර ගෙන විකට් දන්සලක් ඕස්ට්‍රේලියාවට ලබා දීමට වගකීමෙන් වගබලා ගත්තේය.
ශ්‍රී ලංකා මැදෙපළ පිතිකරුවන් මීළග විකට් දන්සල එංගලන්තයට ලබන 21 සිකුරාදා ලබාදීමට බලාපොරොත්තුවෙන් සිිටින බව විදෙස් මාධ්‍ය සදහන් කරයි.
අවධානය පිණිසයි – * ඉදිරි තරග ජයග්‍රහණය කිරීම සදහා ක්‍රීකට් උණ තියන සල්ලිවලට කෑදර නැති මැදෙපළක් සෑදිය යුතු බව අදාළ බලධාරින් දැන ගත යුතුයි.
