1996 ලෝක කුසලාන ක්‍රිකට් ශූරතාව දිනාගත් කණ්ඩායමේ පුහුණුකරු ලෙස කටයුතු කළ ඩේව් වට්මෝර් මහතා පුහුණුකරුවකු ලෙස බඳවා ගැනීමට ශ්‍රී ලංකා ක්‍රිකට් ආයතන බලධාරීන්ගේ අවධානය යොමු වී ඇත.
ශ්‍රී ලංකා කණ්ඩායමට ලෝක කුසලාන ක්‍රිකට් තරගාවලිය ජය ගැනීම සඳහා තිරස පිටුපස සිට මෙහෙයක් කළ කෙනෙකු වන්නේ ඩේව් වට්මෝර් යි.
ශ්‍රී ලංකා ක්‍රිකට් ආයතනයේදී පසුගිය සති වල දෙපාර්ශ්වය අතර සාකච්ඡා කීපයක්ම පවත්වා තිබේ.
මේ සම්බන්ධව ක්‍රිකට් ආයතන ප්‍රධානියකුගෙන් කරන ලද විමසීමේදී, “වට්මෝර් වගේ කෙනෙක්ගේ සේවය ලබා ගැනීමට හැකිවුවහොත් ශක්තිමත් දෙවැනි පෙළ කණ්ඩායමක් හදා ගත හැකි කියන මතයේ හැමෝම හිටියා.
අන්න ඒකයි අපි ඔහු සමඟ සාකච්ඡා කිරීමට තීරණය කළේ. කොහොම වුණත් ඒ සඳහා ඔහු ගාව හොඳ සැලැසුම් තියෙනවා. ඒ පිළිබඳව ඔහු කතා කරපු අවස්ථාවේදී අපිට තේරුම් ගියා.
බොහෝ විට ගොඩක් වෙලාවට ඔහු ශ්‍රී ලංකා සංවර්ධන සංචිතයේ හෝ නැගී එන කණ්ඩායමේ පුහුණුකරු තනතුරට පත් වේවි” යැයි පවසා සිටියේය.
