2020 පැවැත්වෙන ආසියානු කුසලාන ක්‍රිකට් තරගාවලිය විස්සයි20 බවට පත්වේ. ආසියානු ක්‍රිකට් සභා මූලස්ථානයේදී පැවැති රැස්වීමකදී මෙම තීරණය ගෙන ඇත. 2020 පැවැත්වෙන ආසියානු කුසලාන ක්‍රිකට් තරගාවලියට සත්කාරකත්වය පාකිස්තානයට ලබාදීමට ආසියානු ක්‍රිකට් සභාව තීරණය කර ඇත.
එම රැස්වීමට ඉන්දියාව, පාකිස්තානය, ශ්‍රී ලංකාව, බංග්ලාදේශය සහ ඇෆ්ගනිස්තානය යන රටවල ක්‍රිකට් ආයතන නියෝජනය කරමින් නිලධාරීන් සහභාගි වී සිටියහ. ආසියානු කුසලාන ක්‍රිකට් තරගාවලිය 2020 සැප්තැම්බර් මාසයේ පාකිස්තානයේදී පැවැත්වීමට නියමිතයි.
