බොහෝ ක්‍රිකට් විචාරකයන් සහ ක්‍රීඩාලෝලින්ට අනුව වත්මන් ක්‍රිකට් ක්‍රීඩා ලොව ‘සුපර් මෑන්’ හෙවත් ‘සුපිරි මිනිසා’ රසල්ය. ඔහු ලොව සිටින ප්‍රහාරාත්මක දකුණත් පිතිකරුවෙකි. දකුණත් වේග පන්දු යවන්නෙකි. එමෙන්ම අති විශිෂ්ට පන්දු රකින්නෙකි.
සන්රයිසර්ස් හයිදරාභාද් සහ කොල්කටා නයිට් රයිඩර්ස් කණ්ඩායම් අතර මෙවර ඉන්දීය ප්‍රිමියර් ලීග් (අයි.පී.එල්.) පන්දු ඕවර 20 ක්‍රිකට් තරගාවලියේ මූලික වටයේ තරගයක් පැවැත්විණි. අයි.පී.එල්. තරගාවලියේ කොල්කටා කණ්ඩායමට රසල් තරග කලේය. කොල්කටා කණ්ඩායම ජය ගත් තරගවලදී රසල්ගේ පිතිහරඹයත් විශාල ලෙස දායක විය.
20 -20 තරගයකදී ශතකයක් රැස් කරමින් සහ හැට්ට්‍රිකයක් දවා ගත් ලොව දෙවැනියා රසල්ය.
මෙවර අයි.පී.එල්. තරගාවලියේ වටිනාම ක්‍රීඩකයා වූයේ රසල්ය. එහිදී දැක්වූ දස්කම් ලෝක කුසලාන තරගාවලියේදීත් ඔහු දැක්වීමට සමත් වුවහොත් එය කොදෙව්වන්ට 2019 ලෝක කුසලාන සිහිනයට වාසියක් වනු නියතය.
